Virkjum lýðræðið í stjórnsýslunni

"Blessuð sértu borgin mín" er yfirskrift borgaraþings íbúasamtaka á höfuðborgarsvæðinu sem hefst í Ráðhúsi Reykjavíkur kl. 13 í dag laugardag. Tilgangurinn með þinginu er að skapa umræðu um íbúalýðræði og skipulagsmál. Framsöguerindi eru fjögur og munu stjórnmálamenn hjá ríki og borg sitja í pallborði að erindum loknum.

• Ákvarðanataka í borgarskipulagi: Snorri Freyr Hilmarsson
  
• Demokrati og deltagelse í byplanlegging i Norge og Europa: Audun Eng frá Noregi
  
• Lýðræði og borgarskipulag: Einar Eiríksson
  
• Manneskjan og maskínan: Bryndís Schram
  
• Pallborð

Fundarstjóri er Gísli Þór Sigurþórsson

Allir hjartanlega velkomnir!

Athugasemdir

[Hjördís Kvaran (IP-tala skráð) 31.3.2007 kl. 12:35]

Þessi tilkynning hefði vissulega mátt koma aðeins fyrr inn á síðuna - er hægt að nálgast yfirlit yfir ráðstefnuna einhversstaðar? Þá meina ég að stundum eru gerðir stuttir úrdrættir úr erindum ráðstefna og sett á netið eða jafnvel prentað. Það gætri verið gaman að sjá svoleiðis ef maður kemst ekki.

[Gunnlaugur B Ólafsson, 1.4.2007 kl. 02:27]

Gaman að sjá að kosningin í Hafnarfirði var viss sigur fyrir lýðræðið. 77% Hafnfirðinga tóku þá ákvörðun að vilja ekki frekari stækkun stóriðju við bæjardyrnar. Það er spurning hvort að íbúar Mosfellsbæjar geti fengið að kjósa um væntanlega sáttatillögu Varmársamtakanna og tillögur bæjaryfirvalda (ef þær verða óbreyttar). Ragnheiður bæjarstjóri talar í síðustu Varmá -blaði Sjálfstæðismanna- um aðkomu kjósenda að ákvörðunum og íbúalýðræði. Er ekki alveg tilvalið að setja þetta umdeilda mál í þann farveg. Kjósa um málið samhliða alþingiskosningum. Held að Mosfellingar vilji hafa mótandi áhrif á umhverfi sitt og ef bæjarstjórn er sannfærð um ágæti fyrirhugaðrar tengibrautar um Álafosskvos þá þurfa þau væntanlega ekkert að óttast.