Síld eða lax?

Það er mjög ólíklegt að Álafosskvosin verði áfram eftirsóknarverður áfangastaður fyrir ferðmenn, ef tengibrautin treðst þarna á milli húsanna. Það skiptir því litlu eða engu máli hvort greiðar leiðir eru fyrir rútubíla að komst til og frá Kvosinni, þegar sérstaða svæðisins er ekki lengur til staðar og ferðlangarnir bruna bara framhjá. Það er svæðið sjálft sem er aðal aðdráttaraflið en ekki verslunin, þó hún sé góð á svæðinu.

 

Eftir því sem byggðin þéttist mun fólk gera sér betur grein fyrir verðmæti umhverfis sem er laust við hávaða og mengun. Við munum einnig fljótlega sjá miklar þjóðfélagbreytingar þegar næstu kynslóðir breyta hegðun sinni gagnvart atvinnu og skólastarfi, sem við munum sinna að mestu leyti á heimilum okkar. Þörfin fyrir stórkostlega akvegi sem þurfa að flytja fólk til og frá vinnu og skóla, alla á sama tíma, tvisvar sinnum á dag, verður ekki lengur fyrir hendi eftir ca 10 ár. Offjárfesting í slíkum akvegum verður óbærilega augljós heimska, fyrr en flesta grunar.

 

Skipulag Helgafellslandsins og tengibrautin gera ráð fyrir að skólastarf og atvinnuhættir muni ekkert breytast frá því sem nú er. Þarna á að búa fólk sem fer í vinnu og skóla milli klukkan 8 og 9 á morgnana og kemur svo aftur heim um klukkan 17, allir á sama tíma. Þetta mun ekki ganga eftir. Lífsgæði felast ekki lengur í risastórum akvegum sem flytja fólk til og frá vinnu með hámarksafköstum í tvo klukkutíma daglega og standa svo ónotaðir þess á milli. Það sér það hver maður sem vill sjá, að fjölgun fólks og bíla getur ekki endalaust krafist stærri akvega. Við munum því breyta hegðun okkar gagnvart atvinnu og skóla og krefjast lífsgæða nálægt heimilum okkar sem eru jafnframt vinnustaðir okkar. Þau lífsgæði eru umhverfi sem hefur næganlegt rými og er laust við hávaða og mengun.

Arnþór Jónsson

tónlistarmaður og fyrrverandi íbúi í Álafosskvos

Þessi grein birtist upphaflega sem athugasemd við athugasemd á blogginu og fengum við góðfúslegt leyfi höfundar til að birta hana sem grein.

Athugasemdir

[Guðm. Arnar Jónsson (IP-tala skráð) 21.5.2007 kl. 23:48]

Sæll Ólafur

Þakka þér fyrir þessa athugasemd, ég varð hálf orðlaus við þessa
fullyrðingu Arnþórs að ferðamennirnir séu að koma í kvosina eingöngu vegna
sérstöðu hennar og fegurðar en ekki búðarinnar og tel ég það ekki
Varmársamtökunum til framdráttar að byrta þetta sem grein á heimasíðu
sinni.

Kv.

Guðm. Arnar

[Arnþór Jónsson (IP-tala skráð) 21.5.2007 kl. 23:49]

“...verslunin og auðvitað sjarmur staðarins er lykill að ferðamannastraumi.”

 

Það er einmitt þessi kombínasjón sem er lykillinn að áframhaldandi jákvæðri þróun. Verslun í Álafosskvos, ef kvosin missir sjarma sinn, lognast út af. Það sama myndi gerast ef kvosin héldi sjarma sínum en verslunin væri illa rekin. Hún færi á hausinn eins og knæpan. Það þarf þetta tvennt til. Sá sem reiknar með því að verslunin haldi sínu þó sneitt verði af gæðum svæðisins ætti að reikna betur. Það eru til fleiri svona ullarverlsanir, en fólk kýs samt að koma í kvosina til að versla og fer jafnvel langar leiðir til þess.

 

Dæmið sem þú tekur um lóðaverð útskýrir hvers vegna ekkert samráð er haft og ekkert hlustað á raddir fólksins sem fyrir er. Hér eru klárlega umtalsverðir fjárhagslegir hagsmunir banka, landeigenda og sveitarfélagins sem blinda mönnum sýn. Veðsetningar og væntingar um stundargróða, með tilheyrandi fylgifiskum baktjaldamakks. Lóðasala upp á 7.5 milljarða! Hmmm......

 

[Arnþór Jónsson (IP-tala skráð) 21.5.2007 kl. 23:57]

Guðm. Arnar skrifar: “..ég varð hálf orðlaus við þessa fullyrðingu Arnþórs að ferðamennirnir séu að koma í kvosina eingöngu vegna sérstöðu hennar og fegurðar en ekki búðarinnar”

 

Þetta hef ég hvergi skrifað. Það er alveg út í hött að gera mér upp skoðun þegar skoðun mín stendur hér fyrir ofan svart á hvítu.

[Hjördís Kvaran Einarsdóttir (IP-tala skráð) 22.5.2007 kl. 01:00]

Sæll Arnþór

Álafoss föt bezt fór ekki á hausinn eins og þú gefur í skyn í grein þinni. Kráin var einfaldlega seld og húsnæðið nýtt á annan hátt. Ég er þó ekki hissa á að sjá þetta koma úr þínum penna því þú setur varla svo eitt orð hér inn að ekki sé í því dulin aðför að Karli Tómassyni, forseta bæjarstjórnar, sem var einn af stofnendum og eigendum krárinnar. Síðast þegar þú tjáðir þig hér, þann 28. febrúar sl, sagðir þú orðrétt:  

Forseti bæjarstjórnarinnar fékk samþykkar íbúðir í sínum húsum framhjá öllum hinum sem höfðu sótt um mörgum árum fyrr. Ekkert var afgreitt hjá byggingarfulltrúa í mörg ár, nema umsóknir Kalla tomm tomm. Nú launar hann greiðann og segist vera vanhæfur. 

Þú gleymdir því í árásargleði þinni á Karl að minnast þess að þau hús sem hann hefur búið í í Álafosskvos eru hluti af örfáum húsum Kvosarinnar sem voru upphaflega byggð sem íbúðarhúsnæði en ekki iðnaðarhúsnæði eins og það sem þú bjóst í. Kannski það skýri tregðu bæjaryfirvalda til þess að samþykkja húsnæði í Kvosinni - það er í raun iðnaðarhúsnæði, ekki íbúðarhúsnæði.

Af einhverjum ástæðum hafðir þú rekstur krárinnar alltaf á hornum þér og gerðir þitt til þess að valda þeim rekstri sem mestum vandræðum, ekki veit ég afhverju, en hitt veit ég að þessi krá gerði Kvosina að því sem hún er í dag og þú ert svo hrifinn af. Það voru þeir bræður og eiginkonur þeirra sem áttu þátt í að ryðja brautina fyrir þá sem á eftir komu, hvað endurbyggingu Kvosarinnar varðar og síðan hefur Kvosin blómstrað. Þessi krá dró að sér fjölmargt fólk í Kvosina og vakti jafn jákvæða athygli á henni og Varmársamtökin og fréttaflutningur upprunninn frá þeim hefur vakið neikvæða athygli. Þarna vitna ég í orð Guðmundar eiganda Álafossbúðarinnar sem segist hafa orðið fyrir búsifjum í sínum rekstri, einkum vegna þess að fólk virðist halda að búið sé að rífa þorpið vegna þeirrar eilífu rangfærslu í málflutningi samtakanna að brautin eigi að liggja í gegnum Kvosina.  

Þann stutta tíma sem kráin var opin fengu þeir bræður viðurkenningu frá Félagi íslenskra hjómlistarmanna fyrir hversu vel þeir stóðu að tónleikum og aðbúnaði fyrir tónlistarmenn. Það menningarlíf sem þeir stóðu að lifir en í fersku minni Mosfellinga og það eru fjölmargir sem sakna staðarins, þó ekki væri nema bara til þess að koma þar við í göngutúr, reiðtúr eða bíltúr og fá sér kakó og kaffi.

[Arnþór Jónsson (IP-tala skráð) 22.5.2007 kl. 08:57]

Ólafur skrifar: “Í raun er þetta allt tal um hænuna og eggið, en við getum verið sammála um það að ef ekki væri þessi ullarverslun þá væru ekki erlendir ferðamenn á staðnum að fíla sjarmann, og ullarverslun er það eina sem eftir er af gömlu arfleiðinni.”

 

Við getum ekki verið sammála um það og þú getur því ekki sagt að ég sé sammála þér, enda er ég algerlega ósammála.

 

Það er samspil allra þátta og eiginleika staðarins sem framkallar heildarniðurstöðuna. Ef sneitt er af eiginleikum einstakra þátta er óvarlegt að reikna með því að heildarniðurstaðan verði óbreytt. Það er einnig óvarlegt að reikna með því að stakir eiginleikar eins og verslun og annað sem þrífst í kvosinni, haldi sínu óbreyttu eftir að svæðið telst ekki lengur grænt í sama skilningi og áður. Ullarverslun er í Álafosskvosinni en ekki í Lindarhverfi í Kópavogi. Menn geta svo sem velt því fyrir sér hvort túristar færu í stórum hópum í Lindarhverfið til að kaupa ullarvörur. Ég tel svo ekki vera. Það er starfsemin og staðurinn er skapa heildaráhrifin saman.

 

Vangaveltur mínar eru svo um hvernig viðhorf og lífsstíll fólks geti breyst og hvernig slíkar breytingar geta gerst á ótrúlega skömmum tíma. Þátttaka fólks í atvinnu hefur breytst mun breytast enn hraðar á næstu árum. Heimili fólks öðlast stærri hlut sem vinnustaður og skólar hætta að vera samsettir af bekkjadeildum þar sem nemendur sitja og læra allir það sama - á sama tíma. Kennsla verður flokkuð og flokkunin verður á tölvutæku formi. Nemendur nálgast bæði kennara og námsefni á miðlæga gagnagrunna. Þegar hópurinn kemur saman verður meiri áhersla lögð á samskipti, heilsu, útivist og skapandi starf, menningu og listir.

Þóðfélagsbreytingar sem við höfum séð á síðustu tíu árum, eftir að netið breytti aðgegni fólks að upplýsingum og menningu, leiða til enn meiri breytinga nú þegar við höfum öðlast skilning og reynslu til að hagnýta okkur þessa tækni til að gera líf okkar og starf auðveldara og enn betra. Sú breyting hefur í för með sér meiri “frítíma” frá striti og daglegu amstri eins og við höfum þekkt það lengi og kröfu um skipulag þar sem lífsrými er laust við hávaða og mengun. Stórir akvegir í íbúðahverfum sem eiga að flytja þorra fólks til og frá vinnu, alla á sama tíma verða fljótlega eins og minnisvarðar um skipulagsmistök.

 

Þessar vangaveltur eru ekki mín draumsýn heldur fengnar úr skýrslum erlendra sérfræðinga sem m.a. er hægt að lesa á vef Menntamálaráðuneytisins. Þar segir að hugmyndin um hagfræðilega skipulagseiningu íbúðahverfis sem ber uppi grunnþjónustu eins skóla og leikskóla með lágmarks tilkostnaði sé gamaldags. Þjóðfélagið hafi þegar þroskast frá slíkum hugmyndum og muni færast enn lengra frá þeim í mjög náinni framtíð. Síldarhugsunin þegar allur hópurinn fer á sama tíma út í búð og á sama tíma í vinnuna og á sama tíma í skólana, öðlast minni og minni sess í raunveruleikanum og meiri og meiri sess í sögubókum. Við erum laxar ;-)

[Valdi Sturlaugz (IP-tala skráð) 22.5.2007 kl. 10:44]

Af skrifum Guðmundar Arnars mætti ætla að hann telji að Varmársamtökin ættu að hafa það að meginmarkmiði að styðja við bakið á Álafossbúðinni.  Það hefur í sjálfu sér lítið upp á sig að vera að rífast um það hvort búðin hans sé aðalaðdráttaraflið á svæðinu.  Væntanlega koma margir útlendingar þarna til þess að fara í búðina, en svo eru líka fleiri í Kvosinni með atvinnustarfsemi sem þeir vilja byggja upp.  Fjölbreytni í starfseminni stuðlar að lifandi samfélagi.  Af öðrum verðmætum sem menn hafa bent á er sagan og gamla verksmiðjuhúsnæðið sem eru sameiginleg verðmæti alls bæjarfélagsins.  Ullarvöruverslun fyrir erlenda ferðamenn verður tæplega annað en hluti af heildarmynd Kvosarinnar.  Íslendingar koma í Kvosina líka, m.a. til þess að njóta friðarins, þropsstemningar, náttúru og sögu og fá sér kakó eða kaffi eins og einhver sagði hér að ofan.  

Helgafellshverfið og önnur byggð sem mun rísa á þessu mikla byggingarlandi sem er þarna í nánd mun eflaust styrkja Kvosina, sérstaklega ef möguleikar hennar sem vinjar í þéttbýlinu verði nýttir sem best.  Ef vel tekst til getur Kvosin haft veruleg áhrif á fasteignaverð svæðisins. 

[Hjördís Kvaran Einarsdóttir (IP-tala skráð) 22.5.2007 kl. 12:30]

Sæll Valdi Sturlaugz/Valdi Breiðfjörð

Ég hef áður reynt að fara þess á leit við þig hvort þú vildir ekki vera svo elskulegur að gera grein fyrir þér. Nú skal ég útskýra afhverju ég bið um það.

1. Þú hefur skrifað undir tveimur nöfnum en aldrei fullu nafni
2. Þar sem ég hef svo mikinn áhuga á ættfræði verð ég að segja að það vekur athygli mína að þú titlar þig Sturlaugs en það form nafnsins er einmitt til í móðurætt þeirra systkinanna Sigrúnar, Kristínar og Ragnars, raunar sem eiginnafn,  en annars nær algjörlega óþekkt í ættfræðunum.
3. Hvað heitirðu að fyrra nafni? Er það Þorvaldur, Rögnvaldur, Valdimar eða kannski Sigvaldi? Ég spyr því að eiginnafnið Valdi er ekki til.
4. Þar sem mér þykja Varmársamtökin svo skemmtilegt lítið fjölskyldufyrirtæki og skil að þeir sem kom að þeirri fjölskyldu hafi áhyggjur af fyrirtækinu,enda ástæða til, þá langar mig bara til þess að vita frekari deili á þér. Einnig þykir mér svo gaman að vita hver er hvað í raun í þessari umræðu og einkum ef áhugi á þessari deilu hefur teygt sig langt út fyrir bæjarmörkin, í þínu tilviki alla leið upp í Borgarfjörð.

Virðingarfyllst 

Hjördís Kvaran

[Hjördís Kvaran (IP-tala skráð) 22.5.2007 kl. 12:37]

... ég meinti Breiðafjörð, sem er enn lengra í burtu ...

[Sigrún P (IP-tala skráð) 22.5.2007 kl. 13:03]

Tregðulögmálið virðist geta herjað á mannkynið með miskunnarlausum hætti. Ég hef birt eftirfarandi útskýringu á vegspotta yfir Álanes nokkrum sinnum á blogginu og geri það hér með aftur. Vonandi síast þess fróðleikur hægt og bítandi inn hjá vildarvinum VS.
"Ég sé á umræðum ... að sá misskilningur er á kreiki að þverun Varmár við Álanes ofan við Álafoss sé að tillögu Varmársamtakanna.
Staðreynd málsins er sú að þessi vegtenging er inn á aðalskipulagi Mosfellsbæjar og er einnig gert ráð fyrir henni í nýju deiliskipulagi Helgafellslands, 3. áfanga. Varmársamtökin lögðu til við bæjaryfirvöld í athugasemdum við deiliskipulaginu að þessi tenging yrði alfarið tekin út af skipulaginu. Þann 10. apríl sl. fengum við svar frá bænum þess efnis að ekki væri hægt að verða við ósk samtakanna. Svarið er svohljóðandi:
"Það er rétt að tengibraut á þessum stað var felld út úr aðalskipulaginu við síðustu endurskoðun. Í aðalskipulaginu var hins vegar í stað hennar gert ráð fyrir "safngötu sem fellur betur að umhverfi Álafosskvosar og árinnar," ...
Nefndin telur óvarlegt á þessu stigi að falla frá gerð þessarar safngötu, en telur jafnframt rétt að þörf fyrir götuna verði endurmetin síðar, eftir að hverfið hefur byggst upp." Sbr. 196. fund skipulags- og byggingarnefndar.
Það er því ekki að tillögu Varmársamtakanna að þessi gata er staðsett þarna heldur að tillögu bæjaryfirvalda sjálfra. "

[Sigrún P (IP-tala skráð) 22.5.2007 kl. 13:41]

Sæll Ólafur.
Það er ekki á verksviði tekjulausra félagasamtaka að láta meta kostnað við tilteknar framkvæmdir í bænum. Það er sveitarfélagsins en það á m.a. skv. lögum um umhverfismat áætlana að gera faglegan samanburð á ólíkum valkostum í tengslum við legu tengibrautarinnar. Inn í slíkum samanburði væri m.a. kostnaðargreining.  Varmársamtökin hafa frá upphafi farið fram á við Mosfellsbæ að gera slíkan samanburð en í honum fælist m.a. að meta hvers virði menningararfleifðin í Kvosinni er fyrir bæjarfélagið, áhrif tengibrautar á atvinnuuppbyggingu og starfsemi, náttúru, útivist, ásýnd bæjarfélagsins, gatnagerð við Vesturlandsveg, áhrif á íþrótta- og skólasvæði vestan þjóðvegarins og síðast en ekki síst skipulag sjálfs miðbæjarins.
Þetta hefur ekki verið gert og skv. upplýsingum sem samtökin fengu á fundi með verkfræðifyrirtækinu Alta sem er að vinna umhverfisskýrslu fyrir Mosfellsbæ munu þau kíkja eitthvað á hugmynd VS um tengingu í útjaðri byggðar við Ásahverfi en ekki fara út í útreikninga eða mögulega útfærslu á valkostum.
Mikil og stór skýrsla var unnin í tengslum við mislæg gatnamót á mótum Leirvogstungu og Vesturlandsvegar. Voru skýrslurnar reyndar tvær. Sú fyrsta var unnin af Línuhönnun fyrir Vegagerðina og sú síðari á framkvæmdaaðilunum sjálfum. Finnst okkur í VS þetta vera fyrirmyndar vinnubrögð og svona ætti þetta auðvitað að vera í tengslum við Helgafellsbraut og tengingu hennar við Vesturlandsveg líka. Helgafellsbraut eins og hún er fyrirhuguð í dag mun hafa gríðarlega áhrif á ásýnd bæjarfélagsins og skipulag miðbæjarins. Þessi áhrif þarf nauðsynlega að meta áður en ráðist er í svo afdrifaríkar framkvæmdir.

[Valdi Sturlaugz (IP-tala skráð) 22.5.2007 kl. 15:31]

Ólafur, mér finnst að þessi spurning um kostnað af framkvæmdum gott innlegg í umræðuna.  Auðvitað er núverandi skipulagstillaga sú ódýrasta að stofnkostnaði til.  Það er töluverð vinna að kostnaðarmeta hinar tillögurnar og engan vegin víst að VS hafi bolmagn til þess að ráðast í þá vinnu.  Hins vegar finnst mér eðlilegt með hliðsjón af því hversu fáir möguleikar eru í spilunum að bæjarfélagið í samvinnu við vegagerð ríkisins geri úttekt á kosnaði við helstu lausnir.  Framtíðarlausn hlýtur að taka mið af tvöföldun vesturlandsvegar og að mínu mati stórvaxandi byggð í landi Mosfellsbæjar.  Einu tölurnar sem ég hef heyrt varðandi göngin eru algerlega út úr kortinu miðað við reynslutölur og tel ég víst að þær séu nánast skot út í loftið.  Á hinn bóginn er þröngt þar sem gert er ráð fyrir að hægt væri að koma göngunum fyrir og viðbúið að framkvæmdin yrði fremur erfið.  Þetta þyrfti að skoða betur. 

ÉG vil jafnframt taka undir það sjónarmið sem margir hafa viðrað hér að mikilvægt er að menn reyni að vinna í sátt að því að klára málið.  Þetta snýst mikið um að reyna að setja sig í annarra spor og sýna þeim virðingu sem leggja lóð sitt á vogarskálarnar.  Kostnaður við tafir hljóta m.a. að leiða af sér verulegan kostnað og óþægindi fyrir verktaka sem virðast hafa lent milli steins og sleggju. Ég tel að allir aðilar verði að gæta sín á því að setja ekki fram hluti sem valda kergju og særindum.  Gagnvart þeim sem gangast upp í því að gera aðra tortryggilega er farsælast að segja sem minnst.  Að öðrum kosti er hætt við að það sem raunverulega skiptir máli drukkni í einhverju argaþrasi. 

Með kveðju, Valdi    

[Gunnlaugur B Ólafsson, 22.5.2007 kl. 16:09]

Heil og sæl

Tel að allir vilji hafa Álafosskvos í góðu vegasambandi. Ef fólk er á leiðinni á áhugaverðan stað, þá skipta nokkur hundruð metrar í fjarlægð ekki máli. Það er mín skoðun. Hef rekið ATORKA mannrækt í Þrúðvangi í tvo vetur, konan er með Tómstundskóla Mosfellsbæjar einnig í Kvosinni, þar er Myndlistarskólinn o.fl. o.fl. sem þarf hina bestu blöndu af kyrrð og vegtengingum. Þar eigum við samleið með Álafossbúðinni.

Grunnforsenda í öllum samanburði er að bera eingöngu saman framtíðarlausnir, en ekki horfa til tvöföldunar hringtorgs sem er ófullnægjandi tímabundinni lausn. Vegagerðin hefur þá stefnu að leggja af öll hringtorg á Vesturlandsvegi. Sigrún vitnar til samgönguráðherra að búið sé að tryggja fjármagn til þess á næstu 5-7 árum. Guðmundur Arnar vonast til að hringtorg dugi næstu 20-30 ár. Aðalskipulag gerir ráð fyrir að tengibrautin fari undir Vesturlandsveg, meðfram Brúarlandi og í átt að miðbænum. Sem sagt tvöföldun hringtorgs er bara skammgóður vermir, en við þurfum að hugsa til framtíðar. Jafnframt er grunnforsenda að gera líka ráð fyrir mislægum gatnamótum við Hafravatnsveg (Reykjaveg).

Þegar þessar forsendur liggja fyrir þá erum við að bera saman S-leið um miðbæ, meðfram Brúarlandi, um Álafosskvos og upp brekkuna inn í hverfið og hinsvegar J-leið að fara að mislægum gatnamótum ofan byggðar og krók inn í hverfið. Við höfum rakið rök með og á móti. Ólafur segir samt; "En hvar á vegurinn þá að liggja ?... Þingvallaleiðin lítur vel út á blaði en meingölluð frá kostnaðar og umhverfissjónarmiðum." Varðandi kostnað, þá er hann um 4-500 milljónir við að byggja upp mislæg gatnamót ofan byggðar. Þar er einnig komin varanleg lausn á Þingvallaafleggjara. En nú stendur til að gera þar hringtorg sem er bráðabirgðalausn og mun kosta um 200 milljónir. Auk þess vinnst land sem verndar- og útivistarsvæði sem verður að meta til fjár. Þannig að umhverfislegur ávinningur er augljós. Eitt útspil Ólafs er á þeim nótum að hann er búin að reikna einhvern gífurlegan kostnað vegna aukinnar elsneytisnotkunar með því að fara um mislægu gatnamótin vegna aukinnar fjarlægðar. Þetta hrek ég síðan með eftirfarandi innleggi og hefur hann ekki mótmælt því efnislega. Hér endurtek ég þetta innlegg fyrst að Ólafur endurtekur sína fullyrðingu; 

"Nú, þá eru það fjarlægðir. Ég tók hér Mosfellsbæjarmynd, stækkaði hana um 300% og reiknaði vegalengdir upp í mitt "Augað" í fyrirhuguðu Helgafellshverfi miðað við A. Beygt af mislægum gatnamótum við Hafravatnsveg í átt að miðbænum, keyrt meðfram Brúarlandi, ekið undir brú á Vesturlandsvegi, um Álafosskvos, upp brekkuna fyrir ofan Kvosina og inn í Augað, það mældust 40 cm. Ekið allt á 30 km hraða vegna hljóðmengunar og slysahættu. B. Ekið yfir mislæg gatnamót Hafravatnsvegar, yfir "Varmárdalsbrú" í mislæg gatnamót ofan og norðan núverandi Helgafellshverfis og inn í Augað, það mældust 44 cm. Þarna væri ekið að meðaltali þessa vegalengd á 80 km hraða (Vesturlandsvegi 90 km/klst og 50-70 km/klst að auganu). Það munar sem sagt 10% í vegalengd, en þú ert meira en helmingi fljótari á áfangastað sem að jafnar út mun í eldsneytisnotkun. Auk þess sem 30 km/klst umferð í gegnum Kvosina og miðbæinn mun vera meira og minna stífluð um átta leytið á morgnana og spúa yfir íþrótta- og skólasvæðið."

Aðalmálið er að framtíðin samkvæmt aðalskipulagi Mosfellsbæjar með tengibraut undir Vesturlandsveg og stefna Vegagerðarinnar lgefa þá niðurstöðu að hringtorg verði lagt af. Því er tillaga Varmársamtakanna ekki frábrugðin langtíma stefnumörkun Mosfllsbæjar og Vegagerðar að þessu leyti. Því þurfum við að bera saman S-leið og J-leið eins og áður sagði. Ef við höldum okkur við það, þá er auðvelt að komast að sameiginlegri niðurstöðu sem að bæði tryggir góða vegtengingu við Helgafellshverfi og hugmyndina um Varmárdal- útivistar- og verndarsvæði Mosfellinga. Tvær flugur í einu höggi með J-lausn í stað allra þeirra slæmu afleiðinga sem fylgja S-lausn um miðbæ og Álafosskvos.

                               Með kærri kveðju,

                                                  Gunnlaugur 

[Sigrún P (IP-tala skráð) 22.5.2007 kl. 16:24]

Frábært að upplifa hvað umræðan er að komast á málefnalegt plan. Fólk getur notað dulnefni við skrif sín svo fremi sem menn eru að ræða um málefni. Persónulegt skítkast verður sem endranær ekki liðið.

[Valdi Sturlaugz (IP-tala skráð) 22.5.2007 kl. 16:47]

Ég er sammála Sigrúnu um þetta mál. 

Almennt séð verður að teljast æskilegt að fólk skrifi undir eigin nafni.  Á þessu geta verið undantekningar.  Í sumum tilfellum er erfitt fyrir fólk að tjá sig með fullu nafni vegna þess að það vinnur hjá aðilum sem eiga hagsmuna að gæta og geta ekki sagt skoðun sína án þess að hætta sé á særindum eða misskilningi.  Flókin ættartengsl við stjórnmálamenn og aðra sem eiga beinna hagsmuna að gæta geta líka valdið persónulegum særindum, sér í lagi þegar hagmunir nákominna eru á skjön við þær skoðanir sem eru viðraðar.  Í því skyni að umræðan snúst um málefni, en ekki menn, getur líka verið heilbrigðara að skoðanir séu settar fram nafnlaust.  Að mínu viti verður það að vera skilyrði að umræðan sé málefnaleg og ekki er ásættanlegt að veitast að persónu annarra undir dulnefni.

kveðja, Valdi 

[Arnþór Jónsson (IP-tala skráð) 22.5.2007 kl. 19:43]

Ég tel raunverulega hættu á því að nýja Helgafellshverfið endi sem “slömm”. Grundvöllur skipulagsins er fjárhagslegur stundarávinningur banka, landeigenda, verktaka og sveitarfélags. Of miklum fjölda er troðið inn á svæðið  og skipulagið er gamaldags hugmynd um íbúðarhverfi með skóla og leikskóla þar sem flestallir fara útúr hverfinu á morgnana og koma heim aftur í eftirmiðdaginn, allir á sama tíma. Eftir tíu ár eða svo verður engin raunveruleg eftirspurn eftir húsnæði í slíku hverfi. Fólk með rúmlega meðallaun og meira, leitar að umhverfi þar sem heimilið er jafnframt vinnustaður með nægu prívat rými inni og úti. Sú hugmynd að fólk sætti sig við að hafa útsýni yfir öskutunnur og baðglugga nágrannans vegna þess að heimilið er fyrst og fremst svefnstaður, er tímaskekkja.

 

Með því að hámarka fjárhagslegan stundarávinning framkvæmdaaðila eru menn að lágmarka hin eftirsóknarverðu lífsgæði því þau kosta peninga í framkvæmd. Sveitarfélagið telur að með mikilli þéttingu byggðar í Helgafellslandinu náist fram hærri meðaltalsstuðull fyrir allt sveitarfélagið og uppgrip í innheimtu opinberra gjalda vegna mikils fjölda nýrra íbúða. Svona “bónus” hugsunarháttur í skipulagi kann ekki góðri lukku að stýra og gæti snúist í andhverfu sína þar sem fæstir þeirra sem greiða ríkulega til sveitarfélagsins sætta sig við svona “bónus” lífsgæði. Þá gæti hverfið breytast í láglaunahverfi með tilheyrandi félagslegum vandamálum og vaxandi kostnaði fyrir sveitarfélagið.

[Hjördís Kvaran Einarsdóttir (IP-tala skráð) 22.5.2007 kl. 21:49]

Sæll Valdi

Semsé þú viðurkennir að þú sért í dulnefnafeluleik? Það er auðvelt að ráða í þau ættartengsl sem þú talar um, jafnvel enn lengra en þig grunar og jafnvel fyrir þá sem þekkja í raun ekki sérstaklega vel til. Þannig að tengsl fólks í þessari umræðu eru þekktari en þú vilt vera að láta. „Nafnið“ þitt kemur t.d. að hluta upp um þau tengsl.

Það er skrýtið að heyra ötulan talsmann samtakanna réttlæta það og halda því blákalt fram að það sé allt í lagi að skrifa undir dulnefnum einkum þar sem það mál hefur verið mjög viðkvæmt fyrir samtökin, þar sem að þau hafa ásakað fólk út í bæ fyrir að gera þessa sömu hluti, úthrópað það sem netdólga, veist að æru þess og blásið upp í blöðum. Reynt að rægja persónur þessa sama fólks sem mest má vera vegna ímyndaðra atburða sem samtökin vita í raun ekkert um. Það meinfyndna í því máli öllu var að talsmenn samtakanna stunduðu einmitt þennan leik sjálfir og hafa þar að auki viðurkennt að eiga þar sök í máli. Gunnlaugur varaformaður sagði það vera grín sem netdólgar Varmársamtakanna skrifuðu en einmitt í þeim færslum var veist að persónu minni, svo mikið grín var það nú. Munurinn á þeim sem ásökuð voru af Varmársamtökunum um að stunda þennan leik og netdólgum samtakanna er sá að þeir fyrrnefndu hafa ekki viljað fara niður á sama plan og leggjast jafnlágt og samtökin og hlaupa með þá vitneskju í blöðin eins og sjálfur aðalnetdólgur Varmársamtakanna gerði og reyndi að láta líta út fyrir „að tölvupóstur hefði gengið á netinu“. Þessi manneskja vissi nú samt þá hver sannleikurinn í því máli var.

Umræðan getur snúist um málefnin þegar búið er að taka útúr henni persónulegar árásir og flokkspólitík í ópólitísku samtökunum. Það er það sem hefur reynst talsmönnum samtakanna svo erfitt að skilja, mér dettur í hug orðið „tregðulögmál“ í þeirri merkingu sem Sigrún frænka þín notar hér að ofan. Ég hef hérna komið að hluta til inn á og bent á hversu málefnaleg umræða talsmanna Varmársamtakanna er í raun þegar þeir telja engan sjá til sín.

Það er greinilega ekki sama hver er. Það er forvitnilegt til þess að vita að einn ötulasti talsmaður Varmársamtakanna skuli tjá sig á síðum samtakanna og annarra undir dulnefni að því er virðist með fullu samþykki stjórnarmeðlima samtakanna. Síðast þegar ég vissi töluðu þeir sömu stjórnarmeðlimir um að þetta athæfi jaðraði við að vera í hæsta máta siðlaust. Þetta lýsir kannski hve réttsýnin er mikil í samtökunum sem segjast vera svo lýðræðisleg þegar allt kemur til alls. Ég held, Valdi, að þér væri hollara að skrifa undir þínu rétta nafni, það er hvort er alvitað hver þú ert.

[Guðmundur St. Valdimarsson, 23.5.2007 kl. 00:49]

Nú er mér nokkuð brugðið.

Eins og þessi umræða er að verða málefnaleg og skemmtileg, þar sem fleiri sjónarhorn eru að koma fram um þetta tengibrautarmál og afleiðingar þess fyrir verslun og viðskipti í kvosinni. Ég var hérna fyrr í kvöld að lesa mig í gegnum þá umræðu sem hefur átt sér stað síðustu fáein dægur. Sem ég er að klára lesturinn verður einhver titringur á síðunni. Ég hélt að ég hefði startað Refresh, en ég gerði það ekki. Núna er ég að uppgötva að það er búið að eyða út færslunum sem ég var að lesa. Ég bara hreinlega trúi því ekki að það sé raunin og þetta hlýtur því að vera bilun í kerfinu. Ég skora á umsjónarfólk þessarar síðu að skoða það og þá setja færslurnar inn aftur ef hægt er. Ef færslunum hefur hins vegar verið eytt út, þá segir það mér allt um hversu málefnaleg umræðan er hérna. Ef bara má lesa um það sem hentar málstaðnum. Ég hins vegar trúi frekar á bilun, sem þá er hægt að laga.

Góðar kveðjur til ykkar allra frá Langtíburtistan, með von um farsælan endi á þessu leiðindamáli

Guðmundur St. Valdimarsson

[Sigrún P (IP-tala skráð) 23.5.2007 kl. 08:52]

Sæll Valdi. Það er rétt að kostnaður er veigamikið atriði og vegagerð aldrei ódýr. Það þarf hins vegar alltaf að vega og meta verðmætin sem fórnað er og bera saman við þau sem ávinnast.
Stokkur undir Ásland er t.d. dýr lausn. Hann er hins vegar mun styttri en tengibraut um Álafosskvos inn í miðbæ Mosfellsbæjar, svokölluð S-leið. Það skiptir máli hvernig hann er hannaður. Við létum verkfræðing skoða vegstæðið með okkur og sagði hann að ef stokkurinn væri bara látinn anna umferð úr austurátt (Reykjavík og miðbæ Mos) væri hann fyrirferðarminni er ella. Umferð í vesturátt færi um tengibrautina sem búið er að setja á skipulag í átt að Þingvallavegi. Við fengum líka að vita að vegstæðið væri þröngt (11 m milli girðinga) og samkomulag við íbúa því mjög mikilvægt. Þetta þyrfti hins vegar allt að kanna með verkfræðilegri úttekt svo hægt væri að meta hvort kosturinn er raunhæfur.
Leiðin í útjaðri byggðarinnar sem sameinast mun tengibraut sem núþegar er á skipulagi virðist okkur hafa hvað minnst umhverfisáhrif. Um það eru verkfræðingar og arkitektar sem við höfum rætt við okkur sammála. J-leiðin eins og Gunnlaugur kallar hana spillir ekki:

• sögulegri arfleifð við Álafoss,
• útivistargildi Varmársvæðisins (reið-, hjóla og gönguleiðum) sem tengja saman austur og vestursvæði,
• íþrótta- og skólasvæði við Vesturlandsveg,
• lífríki og verndargildi Varmár,
• skipulagi miðbæjarins og Álafosskvosar,
• ásýnd bæjarfélagsins m.a. vegna fyrirferðar umferðarmannvirkja við Vesturlandsveg o.fl.

Þessi verðmæti verður að meta til fjár því allt þetta skiptir miklu máli fyrir velferð íbúa og framtíðaruppbyggingu í Mosfellsbæ. Helstu rökin gegn akbraut í útjaðri eru meiri vegalengd og snjóþyngsli. Enginn hefur kvartað yfir snjóþyngslum í tengslum við Þingvallaleið og því varla mjög veigamikið atriði.

[Sigrún P (IP-tala skráð) 23.5.2007 kl. 09:08]

Sæll Valdi. Það er rétt að kostnaður er veigamikið atriði og vegagerð aldrei ódýr. Það þarf hins vegar alltaf að vega og meta verðmætin sem fórnað er og bera saman við þau sem ávinnast.
Stokkur undir Ásland er t.d. dýr lausn. Hann er hins vegar mun styttri en tengibraut um Álafosskvos inn í miðbæ Mosfellsbæjar, svokölluð S-leið. Það skiptir máli hvernig hann er hannaður. Við létum verkfræðing skoða vegstæðið með okkur og sagði hann að ef stokkurinn væri bara látinn anna umferð úr austurátt (Reykjavík og miðbæ Mos) væri hann fyrirferðarminni er ella. Umferð í vesturátt færi um tengibrautina sem búið er að setja á skipulag í átt að Þingvallavegi. Við fengum líka að vita að vegstæðið væri þröngt (11 m milli girðinga) og samkomulag við íbúa því mjög mikilvægt. Þetta þyrfti hins vegar allt að kanna með verkfræðilegri úttekt svo hægt væri að meta hvort kosturinn er raunhæfur.

Leiðin í útjaðri byggðarinnar sem sameinast mun tengibraut sem núþegar er á skipulagi virðist okkur hafa hvað minnst umhverfis- og ruðningsáhrif. Um það eru verkfræðingar og arkitektar sem við höfum rætt við okkur sammála. J-leiðin eins og Gunnlaugur kallar hana spillir ekki:

• sögulegri arfleifð við Álafoss,
• atvinnustarfsemi og uppbyggingu í Álafosskvos,
• útivistargildi Varmársvæðisins (reið-, hjóla og gönguleiðum sem tengja saman austur og vestursvæði),
• íþrótta- og skólasvæði við Vesturlandsveg,
• lífríki og verndargildi Varmár,
• skipulagi miðbæjarins og Álafosskvosar,
• ásýnd bæjarfélagsins vegna fyrirferðar umferðarmannvirkja við Vesturlandsveg o.fl.
  

Þessi verðmæti verður að meta til fjár. Helstu rökin gegn akbraut í útjaðri eru meiri vegalengd og snjóþyngsli. Enginn hefur kvartað yfir því í tengslum við Þingvallaleið og því varla mjög veigamikið atriði.

[Arnþór Jónsson (IP-tala skráð) 23.5.2007 kl. 09:20]

Við þetta má svo bæta að tengibrautin í núverandi mynd er auðvitað ein helsta birtingarmynd þessa ódýra skipulags. Farin er sú leið sem hefur lágmarksstofnkostnað í för með sér  fyrir framkvæmdaaðila (bankar, verktakar, landeigendur og sveitarfélag) á kostnað hinna eftirsóknarverðu lífsgæða sem kosta að þeirra mati of mikla peninga og lágmarka því stundargróðann. Umhverfinu, sem er raunveruleg sameign fólksins, er ráðstafað undir kaupahéðna sem sjá það í hillingum eins og féþúfu inni á bankareikningum sínum.

Sveitarfélagið bregst skyldum sínum með því að gerast taglhnýtingur þessara gróðapunga og hagar sér eins og blaðafulltrúi þeirra í opinberri umræðu. Að auki neytir sveitarfélagið aflsmunar og heldur stórum hópi fólks í gíslingu með stöðugum frestunum á gildistöku skipulags, endalausum töfum á afgreiðslu innsendra erinda og alls kyns hótunum. Að launum vill sveitarfélagið fá sneið af stundargróðanum en hugsar ekki til lengri tíma, þar sem óvarlega hefur verið sneitt af náttúrulegum gæðum umhverfisins auk þess sem kostnaðarsöm vandamál blasa við, vegna þess að ekki var nógu vel vandað til verka í upphafi. Þá verða kaupahéðnar farnir í burtu með sinn hluta gróðans á meðan fólkið, sem er sveitarfélagið, þarf að bíta úr nálinni með sína sprungnu vör.

Eðlilegast væri að sveitarfélagið tæki sér stöðu með fólkinu. Þar er hinn varanlegi snertiflötur og grundvöllur sameiginlegra hagsmuna.

[Valdi Sturlaugz (IP-tala skráð) 23.5.2007 kl. 09:51]

Góðar athugasemdir um kostnað hjá Gunnlaugi, þessar tölur virka í fljótu bragði mjög trúverðugar.  

Varðandi sumt af þeim verðmætum sem deilt er um, s.s. menningar-verðmætin og lífsgæðin sem felast í friðsæld og fegurð svæðisins, þá er matið á þeim er mjög háð gildismati hvers og eins.  Svo þegar farið er í að meta þetta held ég að almennt sé töluverð tilhneiging til þess að útkoman af matinu sé lituð af  viðhorfum þess sem borgar fyrir það.  Það sem mér finnst einna verðmætast við umræðu VS er það að hún vekur okkur til umhugsunar um fjölmörg atriði sem e.t.v. eru ekki metin að verðleikum fyrr en þeir eru farnir.  Það verður fróðlegt að sjá hvernig umhverfismatið tekur er á þessum þáttum sem Sigrún talar um í athugasemdinni hér fyrir ofan.   

 Kveðja af landsbyggðinni, Waldo 

[Valdi Sturlaugz (IP-tala skráð) 23.5.2007 kl. 10:44]

Ekki sýnist mér að Arnþór sé að öllu leyti gamalsdags kommi.  Hvergi hefur stóriðustefnan og lítilsvirðingin fyrir umhverfismálum náð lengra en í löndum kommúnismans. 

[Sigrún P (IP-tala skráð) 23.5.2007 kl. 10:55]

Sæll Ólafur. Ég tek eftir að það vantar framtíðarsýn og viljann til verka í þessar bollaleggingar. Ástand árinnar er slæmt og því þarf einfaldlega að breyta.

[Gunnlaugur B Ólafsson, 23.5.2007 kl. 11:34]

Heil og sæl

Mér fannst við vera að nálgast niðurstöðu um hvort sé betri kostur S leið samkvæmt aðalskipulagi Mosfellsbæjar og stefnumörkun Vegagerðar um Hafravatnsvegargatnamót, miðbæ, undir Vesturlandsveg með 6m brú og um Álafosskvos eða J leið samkvæmt tillögu Varmársamtakanna sem gerir ráð fyrir brú yfir riðgötur og göngustíga og krækt sé um Helgafellsgatnamót fyrir ofan og norðan núverandi byggð. Allavega lít ég svo á að andmælendur J-leiðar séu sigraðir ef þeir koma ekki fram með réttlætingu á því að það sé skynsamlegra að rýra gildi Álafosskvosar, allrar útivistar meðfram Varmá (reiðgata, göngustígur), skapa mikla slysahættu og mengunaráhrif á íþrótta og skólasvæði, gera miðbæinn að rússíbana bílaumferðar á meðan hægt er að skapa margfalt betri tengingu við Helgafellshverfi mðe mislægum gatnamótum í jaðri byggðar.

Þetta er stóra,stóra, aðal, aðal spörsmálið! En þar að auki er nauðsynlegt að skipulagsyfirvöld og allir fari að leikreglum sem gilda um framkvæmdir og leyfisveitingar. Svo er líka gott að huga að náttúruvernd Varmár til framtíðar þannig að fiskurinn lifi í ánni. Finnst það ekki góð taktík að vísa til þess hversu illa hafi verið farið með Varmá í gegnum tíðina að það sé sjálfgefið að við getum gert það áfram án þess að spyrja kóng né prest.

            Kjósum um S-leið eða J-leið?

                     Þá væri samfélagið farið að virka!

[Sigrún Guðmundsdóttir (IP-tala skráð) 23.5.2007 kl. 11:48]

Akkúrat nafna - Vel unnið umhverfismat auðveldar ráðamönnum að móta  stefnu/framtíðarsýn - og ef stefnan er góð eru góðar líkur á góðu skipulagi osfrv - sumsé einhverju af viti.   Varmársamtökin hafa ekki eingöngu áhuga á Kvosinni - kvosin stendur við ána og er því hluti af hugðarefninu.  Og skólpið - eitt af því sem hvað helst er skoðað varðandi ána er gerlamengun - er einhver önnur mengun í ánni? - og rafmagnstaurarnir við Engjaveg eru hrörlegir en lafa virðist vera- dont vorrí við eyðum púðri í fleira en kvosina - en það hefur varla nokkur sála eytt orðum á blogginu okkar um annað en hana- sumsé athugasemdirnar lúta nær allar að málefnum kvosar og pólitík.... 

[Guðmundur St. Valdimarsson, 23.5.2007 kl. 12:38]

Á ég að trúa því að færslunni minni hafi verið hent út af síðunni. Ég bara trúi ekki svona vinnubrögðum. Þetta er nú ritskoðun í sinni verstu mynd og alls ekki til þess fallin að halda uppi umræðunni sem hér á að vera, ef maður er ekki þóknanlegur, þeim sem hér stjórna því sem má lesa og hvað ekki. Var ekki verið að tala um harðlínu kommúnisma hér ofar. Þetta eru einmitt vinnu brögð sem tíðkuðust í þeim löndum.

[Gunnlaugur B Ólafsson, 23.5.2007 kl. 14:27]

Sæll aftur Ólafur

Það er greinilegt að þú ert maður friðar við nágranna og samsveitunga, menn og málleysingja. Það er nú mikils virði. Hinsvegar er eitthvað með rökræðurnar hjá okkur sem ekki er að virka. Er að reyna að átta mig á því hvort þú hafir tilhneigingu til að vera útúrsnúinn, harðsnúinn eða hringsnúinn (vona að þetta teljist ekki persónuleg aðför :)

Hélt við hefðum verið orðnir sammála um þann þátt að umferð gangandi og ríðandi, yngri og eldri fer vaxandi eftir því sem við komum nær lífæð bæjarins meðfram Varmá. Að umferð og veglagning í jaðrinum hljóti að verða til minni óþæginda heldur en slík uppbygging um lífæðar og hjarta bæjarins.

Sammála   ___ Já ___ Nei

Útskýrið ef svarið er Nei ___________________________________

Við samanburð á eldsneytisnotkun þá sýndi ég þér fram á að leið S miðað við aðalskipulag Mosfellsbæjar og stefnumörkun Vegagerðar er einungis 10% lengri en J leið Varmársamtakanna, þegar miðað er við vegalengd frá væntanlegum gatnamótum Hafravatnsvegar (Reykjavegar) í Augað í Helgafellshverfi. Hinsvegar vegna hljóðmengunar og slysahættu um miðbæ og Álafosskvos er ráðgert að umferðarhraði miðist við 30 km/klst á S leið meðan akstur á Vesturlandsvegi og mislæg gatnamót J leiðar væri um 80 km/klst. Það væri því mun greiðfærari og hentugri leið sem vegur upp hinn litla mun á eldsneytiseyðslu.

Sammála ___ Já ___ Nei

Útskýrið ef svarið er Nei. __________________________________ 

Miðað við þessar forsendur að með tilliti til umferðarmála og vegtengingar að þá eru þær sambærilegar, ef hugsað er eingöngu um hagsmuni þeirra sem eru akandi á bílum og á leið inn í hið nýja hverfi. Hinsvegar er það bónus við leið J að áfram eiga Mosfellingar útivistar- og verndarsvæði meðfram Varmá sem að hefur möguleika til að eflast og styrkjast. Það eru mikil verðmæti fólgin í því að halda þessu belti fráteknu og mun efla mannlíf í bænum til framtíðar. Mosfellingar myndu skipuleggja Varmárdal sem væri hliðstæða við sambærileg svæði á höfuðborgarsvæðinu. Svigrúm fyrir hestamennsku og reiðleiðir, íþrótta- og skólastarf, menningu og listir, endurhæfingu og heilsueflingu er í senn mikilvæg mannræktar og umhverfisstefna.

Sammála ___ Já ___ Nei

Útskýrið ef svarið er Nei _________________________________

Vona að þú og aðrir svarið þessum spurningum sem ég trúi að leiði okkur að sameiginlegri niðurstöðu. Það er verið að vinna diliskipulag að vegtengingum við hverfið og nú er tækifærið að sýna fram á betri lausn en er í pípunum.

                 Með kærri kveðju,

[Hjördís Kvaran (IP-tala skráð) 23.5.2007 kl. 14:33]

Skondið að sjá fólk skrifa athugasemdir hérna inn og svara svo sjálfu sér af því að enginn annar gerir það eins og stundað er á þessari síðu. Og svo þegar einhver kemur með athugasemd um málið þá er viðkomandi hent út.  Þessi samtök eru nú bara orðin endanlega gú-gú.

[orn franz (IP-tala skráð) 23.5.2007 kl. 15:26]

Óháð því hvaða skoðun maður hefur á þessu Helgafellshverfi eða tengibrautinni þá finnst mér hún vissulega falleg sú framtíðarsýn sem Arnþór leggur hér fram.

Í náinni framtíð ætti maður sem sagt að geta unnið heima í faðmi fjölskyldu í rúmgóðu umhverfi sem er laust við hávaða og mengun.   “Stórkostlegir akvegir” heyra sögunni til. Börnin læra heima og hittast síðan af og til, svona til að sinna samskiptum, heilsu, útivist, skapandi starfi, menningu og listum. Við höfum meiri frítíma frá striti og daglegu amstri. Það sem er svo það besta að þetta er bara eftir 10 ár, athugið 10 ár. Það er ekki laust við að maður sé farinn að hlakka til.

 

Kveðja

Örn

[Gunnlaugur B Ólafsson, 23.5.2007 kl. 21:10]

Sæll enn og aftur Ólafur

Alltaf spenntur fyrir tölum. Þú segir ".... og þegar ég tala frá fjárhagslegu þá er ég ekki viss um að mosfellingar eru tilbúinir að reiða fram kannski 50 til 100,000 kr á mann til að íbúar Helgafellshverfis komist inn á vesturlandsveg annarstaðar en meðfram kvosinni." Hvernig fannstu þetta út?

Finnst reyndar að fjárfesta í sameiginlegu útivistar- og verndarsvæði Mosfellsbæjar fyrir 50 þúsund á íbúa alls ekki útilokað. Þetta er ekki nema þriðjungur af fasteignagjaldinu. En svo er auðvitað Vesturlandsvegur á ábyrgð ríkisins og því er þetta sameiginlegt verkefni ríkis og bæjar.

Ef það kostar þetta að vera laus undan öllum þeim slæmu afleiðingum, sem þrengja að allri útivist í bænum og Álafosskvos og framtíðarþróun miðbæjarins þá verður svo að vera.

Ég er til í að borga þetta, en þó væri betra ef ég gæti látið trippi upp í kostnaðinn.....

                    Með kærri kveðju,

[Arnþór Jónsson (IP-tala skráð) 24.5.2007 kl. 22:37]

Ólafur Ragnarsson skrifar: “Samfélagsleg sundrung er ekki síður umhverfisslys.”

 

Ég skil þig þannig Ólafur, að þú teljir fyrirhugaða tengibraut vera umhverfisslys. Og þar erum við sammála. Þú ættir að telja í þig kjark og segja það upphátt. Þú ert hvort sem er búinn að láta alla vita hvað þú hefur búið lengi í Mosó. Það er reyndar sérkennilegur ávani sumra í Mosó, að vera stöðugt að minnast á árafjöldan sem þeir hafa búið í Mosó. Það er engu líkara en að sumir telji það vera sérstakt afrek að búa í Mosó, á meðan enn aðrir trúa jafnvel að þeir séu hafnir yfir hina sem ekki hafa "afplánað" jafnlangan tíma. Þinn tími er 22 ár. Til hamingju með það ;-) Og þú ert líka soldið kommalegur á myndinni með alveg eins sixpensara og Lenín hafði gjarnan á sínum kolli.

[Hjördís Kvaran Einarsdóttir (IP-tala skráð) 25.5.2007 kl. 00:31]

... kemur úr hörðustu átt að gagnrýna fólk fyrir að geta þess hve lengi það hefur búið í bænum - frá Arnþóri sjálfum, sem af einhverjum ástæðum flutti burt úr bænum, Álafosskvosinni sjálfri meira að segja, en er samt enn að skipta sér af málum hér í bænum. Skrýtið að flytja úr kvosinni fyrst hún er svona dýrmæt - kannski fyrirhuguð tengibraut og hugsanleg lækkun á fasteignaverði hafi eitthvað þar haft með að gera? Ég tel að fólk sem raunverulega býr í bænum sé rétthæra til að tjá sig um mál bæjarins en þeir sem búa ekki í bænum þegar upp er staðið og skammarlegt að gera lítið úr því þó það nefni hve lengi það hefur búið í bænum. Það býr þó enn í bænum! Eftir allt saman er verið að tala um umhverfi þeirra sem búa í Mosó en ekki annarsstaðar!!!

[Arnþór Jónsson (IP-tala skráð) 25.5.2007 kl. 09:00]

Ólafur skrifar: “Jú Arnþór minn, ætli ég sé ekki bara kjarklaus gammal kommi sem er hafin yfir smælingjann eftir áralanga afplánun ;)”

 

Nei, en ég held að þú sjáir og skiljir að fyrirhuguð tengibraut er umhverfisslys eins og samfélagsleg sundrung er umhverfisslys. Þar er þó sá munur á, að samfélagslega sundrun er hægt að laga ef vilji er fyrir hendi á meðan náttúruspjöll og skipulagsmistök kunna að vera varanleg meinsemd.

 

Það er alveg ljóst að margir í Mosó telja það ekki vera í verkahring annarra en “innfæddra” að hafa skoðun á innri málefnum bæjarins. Þetta viðhorf birtist sem óstjórnleg taugaveiklun í allri umræðu um  bæjarmálin þar sem innfluttir einstaklingar með skoðun, segja frá því eins og oft og hægt er að koma því að, hversu lengi þeir hafa búið í bænum. Og þú hefur búið í 22 ár Ólafur og ert búinn að skrifa það nokkrum sinnum. Það er spurning hvort það nægir til að mark sé á þér takandi. Án gríns. Það er spurning hvort innfluttir taki afstöðu með tilliti til þeirra viðhorfa sem “innfæddir” hafa, í löngun sinni til að fá að teljast með í þeirra hópi? Mín skoðun er sú að 22 ár hljóti að næga til að þú megir segja þína skoðun án þessarar fælingar.

 

Ég tel að Varmársamtökin hafi sýnt mikinn kjark í baráttu sinni gegn núverandi vegarstæði tengibrautarinnar og ekki síður í baráttu sinni gegn þessu forpokaða viðhorfi margra Mosfellinga að fólk skipist í misréttháa hópa eftir því hve lengi það hefur búið í bænum.

[Arnþór Jónsson (IP-tala skráð) 25.5.2007 kl. 11:23]

orn franz skrifar: “Það sem er svo það besta að þetta er bara eftir 10 ár, athugið 10 ár. Það er ekki laust við að maður sé farinn að hlakka til.”

 

Ég held að skiljir ekki inntakið í orðum mínum Örn. Þú átt ekki að bíða eftir breytingunum heldur vera þátttakandi í þeim, skapandi aðili. Þegar stunda fjölmargir vinnu á heimilum sínum og enn fleiri nám. Þessu fólki fjölgar dag frá degi. Sjálfur hef ég stundað mest alla mína vinnu heima í 8 ár.

 

Réttur þinn sem íbúi í þessu landi er einmitt að hafa áhrif á framtíðina. Áhrif með skapandi hugsun þinni og framkvæmdum. Það gera Varmársamtökin. Það er svo einmitt ein hlið þessa máls, að þegar þjóðfélagsbreytingar hafa átt sér stað, sitja sumir eftir með skarðan hlut, t.d. þeir sem bíða eftir breytingunum á meðan þær eru að gerast.

 

Þjóðfélagsbreytingar síðustu fimmtán ára munu halda áfram. Þó ekki með sama hraða og hefur verið, heldur með þeirri hröðun sem verið hefur. Það getur að óbreyttu þýtt að eftir tíu ár horfum við að görbreytt þjóðfélag og ólíkt því sem við höfum þekkt og fólk með þekkingu og tæknigetu sem við myndum telja óhugsandi í dag. Í því samfélagi verður náttúra og skipulag byggðar verðmætara en áður, því enginn vill sitja eftir í “slömmi” sem takmarkar möguleika okkar á lífsgæðum sem aðrir hafa.

[Sigrún P (IP-tala skráð) 25.5.2007 kl. 11:40]

Í greinargerð með aðalskipulagi Mosfellsbæjar er gerð eftirfarandi athugasemd sem að mínu áliti segir allt sem segja þarf um áhrif tengibrautar um Álafosskvos á umhverfi sitt.

Tengibrautanet Mosfellsbæjar er mjög umfangsmikið. Tengibrautir hafa mikil áhrif á umhverfi sitt, m.a. vegna hraða og eðlis umferðarinnar (gegnumakstur) ... . Óviðeigandi hár útfærslustaðall tengibrauta (miðað við umhverfi eða stærð hverfis) hefur víða ýtt undir gisnun byggðar og skaddað bæjarmynd og yfirbragð þéttbýlis. Tillagan felur í sér möguleika á útfærslu sem er sveigjanleg eftir því umhverfi sem göturnar fara um og stuðlar þannig að bættu umferðaröryggi og fallegra bæjarumhverfi.

Er hægt að tala skýrar?

[HP Foss, 25.5.2007 kl. 13:42]

Vinsamleg ábending til ykkar allra. 

Ekki ætla ég nú að fara að skipta mér af þessu hjá ykkur, skipulagslega séð, en vil benda ykkur á hve erfit getur verið að skipatast á skoðunum á þennan hátt, þ.e. á netinu. mér sýnist að nú sé að skrúfast upp einhver piringur en það vill gerast þegar þessi samskiptamáti er notaður. það er nefnilega svo mikilvægt að ræða viðkvæma hluti augliti til auglitis, sjá svipbrigði og aðra líkamlega tjáningu hjá viðmælendum. Misskilningurinn sem upp kann að koma með samskiptum á netinu er stundum svo mikill að erftitt er að vinda ofan af.

Farið varlega í öllum  skrifum, skrifið undir fullu nafni, sleppið því frekar að skrifa en nota fölsuð nöfn og gætið fyllstu kurteisis.Með því verður allt gott.

Með kærri kveðju í sveit Mosans, þessa yndislegu sveit
Helgi Pálsson, sveitamaður.

[Arnþór Jónsson (IP-tala skráð) 25.5.2007 kl. 22:11]

Ólafur skrifa: "Þessvegna gæti ég hugsanlega haft eitthvað málefnalegt innlegg í umræðuna án þess að vera í öðru hvoru JÁ liðinu."

 

Mér finnst einmitt að þú sért að taka þér ákveðna stöðu, þvert gegn betri vitund þinni. Þú heldur því í raun fram, að fólk eigi að gefa afslátt af sannfæringu sinni og lífsskoðun svo allir geti lifað í veröld málamiðlanna og meðalmennsku. En sjálfur viltu ekki gera það og myndir sennilega ekki gera það. Þess vegna hefur þú í raun haldið fram skoðun gegn betri vitund.

Ef Varmársamtökin hefðu ekki brugðist við tímanlega væri þegar komin risastór tengibraut við hliðina á Álafosskvos með allt að 5 metra háum steinkistum og burðarviki til að halda veginum í þeirri hæð sem til stóð að hafa hann. Sú áætlun var fullkomlega "geðveik" og hreint ofbeldisverk. Varmársamtökin eru alvöru kvundagshetjur sem hafa þegar bjargað Mosfellsbæ frá meiriháttar klúðri.

 

Nú segja sumir að búið sé að lækka veginn niður í skynsamlegri hæð svo samtökin ættu að geta sætt sig við legu hennar. Því er ég ósammála. Það má frekar segja að fyrst búið er að lækka veginn svona mikið, þá teljist upphaflega hugmyndin réttilega vera galin hugmynd. Það er því líklegra að hugmyndin í heild sinni, að hafa veginn þarna yfir höfuð, sé byggð á röngum upplýsingum og kolröngu mati, frekar en að rétt sé að tjasla upp á hana með málamiðlunum. Þetta verður sennilega alltaf klúður þarna í hallandi brekkunni og það ætti að vera sjálfsagt mál að gera hlutlausa úttekt á öðrum möguleikum. Besta lausnin er fundið fé, þó hún verði hugsanlega langdýrust í framkvæmd.

[Sigrún P (IP-tala skráð) 26.5.2007 kl. 16:09]

Varmársamtökin fóru fyrir nokkru á fund skýrslugerðarmanna. Á fundinum sagðist fyrirtækið ekki hafa forsendur til að meta hvaða kostur væri bestur þar sem þeim hefði ekki verið falið að gera faglega úttekt á fleiri valkostum. Á fundinum kom auk þess fram að skýrslan eri eingöngu unnin út frá þeim gögnum sem bærinn hefði látið þeim í té og útfrá forsendum viðskiptavinarins. Ekki hefði t.d. verið farið út í að meta útivistarsvæðið og menningarminjarnar til fjár fyrir bæjarfélagið.
Við skulum því bíða og sjá hvert er innihald skýrslunnar  er áður en lengra er haldið í yfirlýsingum um ágæti þess að skemma þetta einstaka svæði í hjarta Mosfellsbæjar.

[Valdi Sturlaugz (IP-tala skráð) 26.5.2007 kl. 16:17]

Það verður fróðlegt fyrir Mosfellinga að sjá skýrsluna, sem trúlega er vel unnin.  Það er þó vert að hafa í huga að niðurstaða hennar, hver sem hún er, byggist á þeim forsendum sem lagt er upp með.  Með breyttum forsendum um áætlaða byggðaþróun og breytingar á aðliggjandi samgöngumannvirkjum kynni niðurstaðan að breytast mjög verulega.  Hvet áhugasama til þess að skoða málin með opnum huga, en gleypa þó ekki við þessu eins og nýju neti.   

[Hjördís Kvaran (IP-tala skráð) 26.5.2007 kl. 22:50]

Alveg er það í anda samtakanna að ætla að fara að vefengja skýrsluna og hennar innihald bara vegna þess að niðurstaða hennar er ekki samtökunum í vil! Þessi málatilbúningur er með eindæmum eins og hann hefur reyndar alltaf verið. Það voru samtökin sem sáu til þess að þessi skýrsla var unnin og því er það fyrir neðan allar hellur fyrir þau að ætla að fara að efast um innihald hennar og niðurstöður. En það er samt lýsandi fyrir vinnubrögð samtakanna að takast að snúa því sem þau komu sjálf til leiðar og láta það líta út sem það sé allt bænum að kenna fyrst það lítur ekki nógu vel út fyrir samtökin.  Ert þú, Sigrún, að segja að skýrslugerðarmenn hafi ekki unnið vinnuna sína eins og þeim ber? Er það ekki orðið að teygja sig aðeins of langt í átt að því að koma höggi á bæjarstjórn? Þarna unnu hlutlausir aðilar samkvæmt lögum að því að meta málið og komust að þeirri niðurstöðu að þið hafið rangt fyrir ykkur og þá byrjið þið að rífa þessa hlutlausu aðila niður og gera athugasemd um það hvaða gögn þeir hafa unnið með!!! Þessi færsla þín er ekki samtökunum til framdráttar en hún var samt eitthvað sem við var að búast af þeim miðað við allt sem á undan er gengið.

Svo ætla ég að fara þess á leit við þig að þú eyðir ekki út þessari færslu minni - sýndu sjálfri þér og samtökunum frekar þann sóma og virðingu að svara henni ef hún fer fyrir brjóstið á þér - allt annað lýsir aðeins í raun vanmætti ykkar og engu öðru. 

[Hjördís Kvaran (IP-tala skráð) 26.5.2007 kl. 22:53]

Alveg er það í anda samtakanna að ætla að fara að vefengja skýrsluna og hennar innihald bara vegna þess að niðurstaða hennar er ekki samtökunum í vil! Þessi málatilbúningur er með eindæmum eins og hann hefur reyndar alltaf verið. Það voru samtökin sem sáu til þess að þessi skýrsla var unnin og því er það fyrir neðan allar hellur fyrir þau að ætla að fara að efast um innihald hennar og niðurstöður. En það er samt lýsandi fyrir vinnubrögð samtakanna að takast að snúa því sem þau komu sjálf til leiðar og láta það líta út sem það sé allt bænum að kenna fyrst það lítur ekki nógu vel út fyrir samtökin.  Ert þú, Sigrún, að segja að skýrslugerðarmenn hafi ekki unnið vinnuna sína eins og þeim ber? Er það ekki orðið að teygja sig aðeins of langt í átt að því að koma höggi á bæjarstjórn? Þarna unnu hlutlausir aðilar samkvæmt lögum að því að meta málið og komust að þeirri niðurstöðu að þið hafið rangt fyrir ykkur og þá byrjið þið að rífa þessa hlutlausu aðila niður og gera athugasemd um það hvaða gögn þeir hafa unnið með!!! Þessi færsla þín er ekki samtökunum til framdráttar en hún var samt eitthvað sem við var að búast af þeim miðað við allt sem á undan er gengið.

Svo ætla ég að fara þess á leit við þig að þú eyðir ekki út þessari færslu minni - sýndu sjálfri þér og samtökunum frekar þann sóma og virðingu að svara henni ef hún fer fyrir brjóstið á þér - allt annað lýsir aðeins í raun vanmætti ykkar og engu öðru. 

[Arnþór Jónsson (IP-tala skráð) 27.5.2007 kl. 10:15]

Þetta verður allt sama klámhöggið hjá Mosfellbæ. Þegar eftirlitsaðilar stoppa ólögmætar framkvæmdir er deiliskipulag afnumið svo eftirlitið fari ekki að rannsaka pukrið. Brotaviljinn er einbeittur. Menn verða að átta sig á því að það er meiriháttar skandall að opinber aðili skuli hafa ætlað að böðlast áfam með stóra framkvæmd utan við lög og reglur. Að sama skapi ætti fólk að vita að eftirlitsaðilar stoppa ekki svona framkvæmdir nema það sé örugglega eitthvað að. Hvergi hefur það komið fram að Mosfellbæ þyki þetta leiðinlegt eða hafi beðið fólk afsökunar á ofbeldisverki sínu.

 

Lög eru sett til að vernda þann veikari gegn hinum sterkari. Það er óþolandi í nútímasamfélagi þegar sá sterkasti, fólkið sem hefur aðgang að sameiginlegum sjóðum borgarana, skuli beita sér með einbeittum hætti til lögbrota gegn fólkinu sem greiðir laun þeirra. Slíkur leikur er svo ójafn og ósanngjarn sem hugast getur.

 

Umhverfisskýrsla sem fullyrt er að sé komin út og vitnað er í þó hún sé hvergi sjáanleg ennþá, er unnin út frá gögnum sem Mosfellsbær handvelur sjálfur og hefur engum sýnt. Niðurstaðan á að vera nýr grundvöllur að deiliskipulagi og framkvæmdaleyfi sem heimilar lagningu tengubrautarinnar á sama stað og áður. Vinnubrögðin eru eins og hjá kínversku leynifélagi sem hefur verið staðið að ólöglegu braski og neyðst til að gera bragarbót á hegðun sinni en ákveður og gera eins lítið og kostur er og helst enn minna.

[Hjördís Kvaran (IP-tala skráð) 27.5.2007 kl. 11:50]

Ja, eitthvað er það!

[Arnþór Jónsson (IP-tala skráð) 27.5.2007 kl. 11:57]

Ólafur skrifar: "Ef ég man rétt Arnþór, þegar þú áttir heima í verksmiðjuhúsinu gamla sem eru helstu menningarminjar staðarins, þá byggðir þú svalir utan á húsið án þess að hafa til þess tilskilin leyfi og þú breyttir húsinu með því að troða svölum utaná sem líktust gám frá samskip :)"

Svalirnar höfðu frá upphafi öll tilskilin leyfi enda standa þær enn. Gerð var athugasemd við klæðingu sem var sett upp vegan mistaka verktaka, en klæðningu var skipt út fyrir rimlana. Það er orðið fátt um fína drætti hjá þér Ólafur ef þú hefur ekkert til málanna að leggja nema gamlar lygasögur til að gera einstaklinga tortryggilega.

Það er svo ólíku saman að jafna framkomu einstaklinga og framkomu hins opinbera eins og kemur fram í síðasta innleggi mínu. Hið opinbera sem hefur upplýsingaskyldur og á að gæta að því að farið sé að lögum, er ógnvænlegt afl þegar einbeittur brotavilji kemur fram eins og í þessu tengibrautarmáli.

Finnst þér í lagi að sveitarfélagið þitt hafi þurft að stöðva svona stóra framkvæmd vegna þess að ekki var farið að lögum?

[Hjördís Kvaran (IP-tala skráð) 27.5.2007 kl. 12:13]

Ein spurning Arnþór: fyrst kvosin er svona æðisleg og þér svona dýrmæt - afhverju fluttir þú þá úr henni og ekki bara úr henni heldur alfarið úr bænum?

[Arnþór Jónsson (IP-tala skráð) 27.5.2007 kl. 12:22]

Ólafur skrifar: "Ég er nú bara aðeins að stríða þér, enginn hiti í gangi.  "  Þú gleymir spurningunni Ólafur. Finnst þér í lagi að sveitarfélagið þitt hafi þurft að stöðva svona stóra framkvæmd vegna þess að ekki var farið að lögum?

[Hjördís Kvaran (IP-tala skráð) 27.5.2007 kl. 14:22]

Dásamlegur punktur Óli!!!

[Sigrún P (IP-tala skráð) 27.5.2007 kl. 14:48]

Lesendum til upplýsingar er umhverfisskýrsla nokkurs konar undirbúningsvinna fyrir hið raunverulega mat á umhverfisáhrifum. Næst er því komið að því að framkvæma hið raunverulega mat á umhverfisáhrifum tengibrautarinnar. Þegar því er lokið verða allir ánægðir.

Mat á umhverfisáhrifum er það sem Varmársamtökin lögðu upp með og er sú krafa enn í fullu gildi.  Matið felur í sér að bera verður saman ólíka valkosti. Til þess að mat á umhverfisáhrifum tengibrautarinnar gefi einhverja innsýn í afleiðingarnar sem hún hefur fyrir bæjarfélagið verður m.a. að meta áhrif hennar á náttúru, sögu, atvinnustarfsemi og ásýnd Mosfellsbæjar eða eins og áður segir áhrifin á:

• iðnsögulega arfleifð við Álafoss,
• atvinnustarfsemi og ferðaþjónustu í Álafosskvos,
• útivistargildi Varmársvæðisins (reið-, hjóla og gönguleiðum sem tengja saman austur og vestursvæði),
• íþrótta- og skólasvæði við Vesturlandsveg,
• lífríki og verndargildi Varmár,
• skipulagi miðbæjarins og Álafosskvosar,
• skipulag þeirrar byggðar sem fyrir er
• innra skipulag alls svæðisins
• ásýnd bæjarfélagsins í ljósi fyrirferðar umferðarmannvirkja sem reisa á í framtíðinni við Vesturlandsveg o.fl.
• lífsgæði íbúa

Hið sama gildir um aðra valkosti.

[Arnþór Jónsson (IP-tala skráð) 27.5.2007 kl. 16:28]

Ólafur skrifar: “Eigum við ekki bara að láta þetta gott heita að sinni.”

 Jú, auðvitað. Eins og þú veist þá yfirgaf ég svæðið og skildi ykkur hvítu og svörtu riddarana eftir til að bítast á. Ég á samt erfitt með að sitja hjá og horfa á innmúraða klíku höggva bæði hendur og fætur af fólki sem er tilbúið að standa á rétti sínum gegn ofurefli bæjarins og annarra hagsmunaaðila. Varmársamtökin  hafa vakið athygli fyrir málefnalega baráttu og góðan árangur. Það er ástæða til að óska þeim til hamingju og velfarnaðar.

[Guðmundur St. Valdimarsson, 27.5.2007 kl. 18:18]

Ég tek heilshugar undir það að hér hefur drengilega verið barist fyrir góðum málstað og full ástæða til þess að óska sigurvegurunum til hamingju með góðan árangur sem náðst hefur í baráttunni fyrir betra mannlífi í bænum. Eins og sjá má af niðurstöðum ný útkominnar umhverfisskýrslu. Sérstaklega er ástæða til þess að óska þessari bloggsíðu sérstaklega til hamingju með að leifa málefnalega umræðu hér, þar sem mótaðilanum er hent út og lokað á vist fólk, færslum eytt út, jafnvel eftir að þær eru búnar að standa inni í sólarhring. Meðaðilinn látin er látin standa eftir til að sýna framá hversu málefnalega málin eru rædd. Engar tilslakanir í samningamálunum til þess að ná sáttum. Fólk lagt í einelti langtímum saman. Fólk kallað bloggdólgar, jafnvel þó að það komi fram undir nafni vegna þess að það er ekki sammála stjórn hagsmunasamtakana. Eins hefur Ragnari nokkrum Reykás brugðið hér nokkuð oft fyrir þar sem fólk hefur verið tekið í dýrlingatölu í upphafi, en verið varpað út í ystu myrkur þegar það svo hefur farið að tjá sig á sínum forsendum. Ég er búin að horfa á þó nokkra yfirgefa samtökin hérna vegna andstöðu við aðferðafræðina sem beitt er. Jú er ekki full ástæða til þess að óska til hamingju og velfarnaðar.

Ps. Ég sendi líka þessa athugasemd á nokkur netföng og kom af stað veðmáli um hversu lengi hún fengi að vera inni.

[Valdi Sturlaugz (IP-tala skráð) 27.5.2007 kl. 20:52]

Það verður fróðlegt fyrir Mosfellinga að sjá skýrsluna, sem trúlega er vel unnin.  Það er þó vert að hafa í huga að niðurstaða hennar, hver sem hún er, byggist á þeim forsendum sem lagt er upp með.  Með breyttum forsendum um áætlaða byggðaþróun og breytingar á aðliggjandi samgöngumannvirkjum kynni niðurstaðan að breytast mjög verulega.  Hvet áhugasama til þess að skoða málin með opnum huga, en gleypa þó ekki við þessu eins og nýju neti.   

[Arnþór Jónsson (IP-tala skráð) 28.5.2007 kl. 00:32]

Guðmundur skrifar: “Ég sendi líka þessa athugasemd á nokkur netföng og kom af stað veðmáli um hversu lengi hún fengi að vera inni.”

 

Þú ert aðeins of einfaldur hérna Guðmundur. Málefnastaða Varmársamtakanna birtist okkur sem niðurstaða sérstaks eftirlitsaðila sem stöðvaði framkvæmdirnar vegna þess að ekki hafði verið farið að lögum. Það er hollt að vera minnugur þess. Þeir sem bentu á þessa annmarka eru ekki hinir seku heldur hinir sem reyndu með brögðum að svindla á fólkinu.

Skrif mín eða annarra beturvitrunga á þessari bloggsíðu eru ekki hluti þeirrar miklu vinnu sem fólk hefur lagt á sig til að skýra þetta mál. Mín vegna mætti henda öllu mínu rausi út af þessum vef. Svo sýnist mér að þú gætir bara verið þakklátur vefstjóra ef hann þurkaði út innleggið þitt. Það er fullt með ambögum og þrugli sem engu máli skiptir.